ក្រោយមាននិស្ស័យបានជួបគ្នាពេលថ្វាយបង្គំព្រះ និងសេពគប់មើលចិត្តគ្នាមួយរយៈ ស្ត្រីពីររូបនៅប្រទេសថៃបានសម្រេចចិត្តចាប់ដៃមើលថែគ្នាមួយជីវិត ខណៈអះអាងដូចគ្នាថាធុញទ្រាន់នឹងបុរសៗ។
កាលពីព្រឹកថ្ងៃទី៧ ខែវិច្ឆិកា នៅសាលាក្រុងលប់បុរី បានមានការចាត់ពិធីរៀបមង្គលការរវាង កូនក្រមុំឈ្មោះ អាំផន ប្លៀនឆៃ អាយុ ៣៣ឆ្នាំ ជាម្ចាស់មុខជំនួញហាងផ្កាស្រស់ពីរកន្លែង នៅកណ្ដាលក្រុងលប់បុរី និងនារីម្នាក់ទៀតដែលដើរតួជាកូនកំលោះឈ្មោះ ឆ័ត្រគុន ភួងសម្បត្តិ អាយុ ៣៧ឆ្នាំ ជាម្ចាស់ជំនួញនាំចូល និងនាំចេញផលិតផល រួមទាំងហាងថែសម្រស់ នៅស្រុកតាកលី ខេត្តណាខនសុវណ្ណ។
កូនក្រមុំ នាង អាំផន ប្លៀនឆៃ បានឲ្យដឹងថា អ្នកទាំងពីរបានជួបគ្នាចៃដន្យនៅពេលទៅថ្វាយបង្គំព្រះ នៅខេត្តស៊ីងបុរី ដោយពេលនោះនាងបានធ្វើជ្រុះផ្កា ហើយនាង ឆ័ត្រគុន ភួងសម្បត្តិ ដែលកំពុងថ្វាយបង្គំព្រះក្បែរនោះក៏ជួយរើសឲ្យ រួចហើយក៏ចាប់ផ្ដើមរាប់អានគ្នាតាំងពីពេលនោះ។ មានវាសនាដូចគ្នា នារីទាំងពីររូបសុទ្ធតែធ្លាប់មានគូស្រករពីមុន ប៉ុន្តែក៏ត្រូវបែកគ្នាវិញ ដែលធ្វើឲ្យពួកគេមានអារម្មណ៍ធុញទ្រាន់នឹងមនុស្សប្រុស ទើបចុងក្រោយក៏ព្រមព្រៀងរៀបការរស់នៅជាមួយគ្នាតែម្ដង។
ក្នុងនោះដែរ នាង ឆ័ត្រគុន ភួងសម្បត្តិ ដែលជាតំណាងកូនកំលោះបានប្រគល់បណ្ណាការមួយចំនួនឲ្យកូនក្រមុំរបស់ខ្លួននូវមាសសន្លឹក ៥០បាត (ទម្ងន់ប្រមាណ ៧ខាំកន្លះ) ចិញ្ចៀនពេជ្រមួយវង់ លុយសុទ្ធ ១លានបាត (ស្មើនឹងប្រមាណ ៣ម៉ឺនដុល្លារ) និងបានរៀបចំពិធីមង្គលការតាមប្រពៃណីដែលមានចាស់ទុំទាំងសងខាង រួមទាំងភ្ញៀវកិត្តិយសជាច្រើនចូលរួម។
កូនក្រមុំ អាំផន ប្លៀនឆៃ បានឲ្យដឹងទៀតថាអ្នកទាំងពីរបានទិញផ្ទះថ្មីរួចហើយនៅស្រុកតាកលី ហើយនឹងរស់នៅថែរក្សាគ្នានៅទីនោះមួយជីវិត ៕
Source:http://kanha.sabay.com.kh
Hello, my name is Jack Sparrow. I'm a 50 year old self-employed Pirate from the Caribbean.
0 Comments