ទម្លាប់​​១០​​យ៉ាង​​ដើម្បី​​ក្លាយ​​ជា​សិស្ស​​ពូកែ​

             ទម្លាប់​​១០​​យ៉ាង​​ដើម្បី​​ក្លាយ​​ជា​សិស្ស​​ពូកែ​

ជីវិតជាសិស្សអ្នកណាក៏ចង់ក្លាយខ្លួនជាសិស្សពូកែដែរ។ប៉ុន្តែអ្នកខ្លះ​មិនអាចធ្វើ​ឲ្យក្ដីស្រម៉ៃ​មួយនេះ​បានសម្រេចនោះទេ។ តាមពិតទៅចង់ក្លាយជាសិស្សពូកែម្នាក់មិនពិបាកនោះទេ បើសិនជា​អ្នកដឹង​ច្បាស់​លាស់នូវអ្វីដែលត្រូវធ្វើ។ អត្ថបទនេះ នឹងបញ្ជាក់ពីទម្លាប់ទាំង ១០យ៉ាង​ដើម្បីក្លាយ​ខ្លួនជា​សិស្ស​ឆ្នើមម្នាក់៖




១.​ កុំ​ព្យាយាម​ចំណាយ​ពេល​ត្រឹម​តែ​មួយ​យប់​ដើម្បី​រៀន
សិស្សភាគច្រើនណាស់ដែលតែងតែប្រើវិធីមួយនេះ ដោយ​ចំណាយពេល​ត្រឹមតែមួយយប់​ប៉ុណ្ណោះ​ដើម្បីរំលឹកមេរៀន។ ការធ្វើបែបនេះមិនមែនជាជម្រើសល្អនោះទេ បើសិនជា​អ្នកចង់ក្លាយ​ជាសិស្ស​ពូកែ។​ អ្វីដែលអ្នកត្រូវធ្វើគឺថា អ្វកត្រូវតែមានពេលវេលាច្បាស់ច្បាស់លាស់ជាក់លាក់ដើម្បីសិក្សា។

២. គ្រោង​នូវ​ពេល​វេលា​ដែល​ត្រូវ​រៀន
ជាធម្មតាសិស្សពូកែ ពួកគេមានកាលវិភាគច្បាស់​លាស់មួយ​បញ្ជាក់​ពីពេលវេលា​ច្បាស់លាស់​ណាមួយ​ដែលត្រូវសិក្សា។ បន្ទាប់មក​ពួកគេត្រូវតែ​ធ្វើតាមកាល​វិភាគ​សិក្សា​មួយនោះ​យ៉ាង​ជាប់​លាប់។ 

៣. រៀនឲ្យចំពេលវេលាដែលបានកំណត់
ការគ្រោងនូវការសិក្សាវាសំខាន់ហើយ ប៉ុន្តែវាកាន់​តែសំខាន់​ដោយទាមទារ​ឲ្យអ្នកអនុវត្ត​វាឲ្យ​ចំពេល​វេលាដែលបានកំណត់ជារៀងរាល់ថ្ងៃ។ ការធ្វើ​បែបនេះ​នឹងធ្វើ​ឲ្យវា​ក្លាយ​ជា​ទម្លាប់​មួយក្នុង​ជីវិត​របស់​អ្នក។

៤. ការសិក្សា​នីមួយៗ​ត្រូវ​តែ​មាន​គោល​បំណង​ច្បាស់​លាស់
អ្នកត្រូវតែមានគោលបំណងច្បាស់លាស់រាល់ការសិក្សារបស់អ្នក។ បើមិនដូច្នេះទេ វានឹងធ្វើឲ្យអ្នកវិលវល់។ ពេលដែលអ្នកមានគោលដៅច្បាស់លាស់ថាចង់បានអ្វីហើយ វានឹងជួយ​ជំរុញអ្នក​ដើម្បីទទួលយកវាឲ្យបាន។ ការបង្កើតគោលដៅអាចមានលក្ខណៈធម្មតាដូចជា ត្រូវតែ​រៀនពាក្យថ្មីៗឲ្យបាន ៣០ជាដើម។

៥. កុំព្យាយាមពន្យារពេលនូវអ្វីដែលអ្នកបានគ្រោងក្នុងកាលវិភាគសិក្សា
សិស្សមួយចំនួនតែងតែពន្យារពេលវេលា ទោះបីជា​គេបាន​គ្រោង​កាល​វិភាគ​សិក្សា​រួចរាល់​ហើយក្ដី។​ ការធ្វើបែបនេះមិនមែនជាទម្លាប់របស់សិស្សពូកែនោះទេ។ កាលពន្យាពេលបែបនេះ នឹងធ្វើ​ឲ្យអ្នកងាយនឹងភ័នច្រឡំដោយសារតែការប្រញាប់ប្រញាល់ខ្លាំង។

៦. ចាប់ផ្ដើមរៀនមេរៀនដែលពិបាកមុន
មុខវិជ្ជាឬកិច្ចការដែលពិបាកតែងតែទាមទារនូវការយកចិត្តទុកដាក់ខ្ពស់ និងថាមពលច្រើន។ ពេលដែលអ្នកបញ្ចប់កិច្ចការដែលពិបាកហើយ វានឹង​កាន់​តែមានភាព​ងាយស្រួល​ដើម្បីបញ្ចប់​កិច្ចការដទៃទៀត។

៧. រំលឹកមេរៀនជានិច្ចមុនពេលសិក្សារឺធ្វើកិច្ចការនីមួយៗ
ដើម្បីរម្លឹកមេរៀនបាន អ្នកត្រូវតែមានការកត់ត្រាបានម៉ត់ចត់ក្នុងថ្នាក់រៀន។ ការរំលឹក​អ្វីដែល​បានកត់ត្រានេះ នឹងជួយឲ្យអ្នកចងចាំនូវអ្វីដែលអ្នកបានរៀន និងជួយ​ឲ្យអ្នកយល់​បានកាន់តែច្បាស់នូវកិច្ចការដែលត្រូវធ្វើ។

៨. ត្រូវប្រាកដថាគ្មានអ្វីរំខាននូវពេលសិក្សា
អ្នកត្រូវតែជ្រើសរើសទីកន្លែងណាមួយក្នុងបរិយាកាសអំណោយផលសម្រាប់ការសិក្សា។ អ្នកត្រូវ​តែប្រាកដថា កន្លែងសិក្សានោះគ្មានការរំខាន ព្រោះវា​នឹងជួយ​ឲ្យអ្នក​ងាយ​ស្រួល​ផ្ដោត​អារម្មណ៍​បានមូល។​

៩. សិក្សាជាក្រុម
ការសិក្សាជាក្រុមក៏ជាជម្រើសមួយដែលល្អដើម្បីប្រែខ្លួនឲ្យក្លាយជាសិស្សពូកែផងដែរ។ ការសិក្សា​ជាក្រុមនេះ អាចជួយឲ្យអ្នកឆាប់យល់ មានការជួយពីអ្នកដទៃ នឹងអាចជួយផ្លាស់ប្ដូរគំនិត យោបល់ ចំណេះដឹងរវាងគ្នាទៅមកបានទៀតផង។ 

១០. រំលឹ​ក​រាល់​កិច្ចការ​ទាំងអស់​នូវថ្ងៃចុងសប្ដាហិ៍
ទោះបីជាថ្ងៃចុងសប្ដាហ៍ក៏ដោយ អ្នកមិនត្រូវប្រលែងដៃចោល​ទាំងស្រុងនោះទេ។ អ្នកត្រូវតែរម្លឹកមេរៀន រឺកិច្ចការទាំងអស់ដើម្បីជួយអ្នកចងចាំ និងធ្វើឲ្យអ្នកមានភាពត្រៀមខ្លួនរួចជាស្រេចសម្រាប់ថ្ងៃសិក្សាថ្មី។

ប្រភព៖​ http://www.librarykhmer.com
by   : Sea phealey